అయ్య ప్ప ప్రసాదం…అరవణ పాయసం

అయ్య ప్ప ప్రసాదం…అరవణ పాయసం
December 09 13:33 2017
 శివుడు, విష్ణువు వేర్వేరుగా ఆలయాలు ఉంటాయి. అలాంటి శివకేశవులు కలిసుండే క్షేత్రాలు అరుదుగా ఉంటాయి. అలాంటి వాటిలో ముఖ్యమైంది శబరిమల. పశ్చిమ కనుమల్లో ఉన్నా శబరిమల క్షేత్రంలో అయ్యప్పస్వామి కొలువుంటారు. అయ్య (విష్ణువు), అప్ప (శివుడు) అనే పేర్ల సంగమంతో అయ్యప్ప నామం జనించిందని అంటారు. శివకేశవుల క్షేత్రంగా విరాజిళ్లుతోన్న శబరిమలకు ఏటా లక్షలాది భక్తులు వస్తారు. మాలను ధరించి, 41 రోజుల పాటు కఠిన దీక్షలు చేసి, ఇరుముడి కట్టుకుని స్వామి దర్శనానికి బయలుదేరుతారు. పంబలో స్నానం చేసి నీలమలను దాటి శబరిగిరికి చేరుకుంటారు. ఇరుముడితో పదునెట్టాంబడి ఎక్కి స్వామివారి దర్శనం చేసుకుంటారు.తిరుపతి లడ్డూకు ఎంతటి ప్రాధాన్యత ఉందో.. అయ్యప్పస్వామి ప్రసాదానికి కూడా అంతే ప్రాముఖ్యత ఉంది. స్వామివారి ప్రసాదాన్ని అరవణ పాయసం అంటారు. స్వామి దర్శనానికి వచ్చే భక్తులు యాత్ర ముగించుకుని వచ్చేటప్పుడు స్వామివారి ప్రసాదాలు అరవణ పాయసం, అప్పం తప్పకుండా తీసుకుంటారు. బియ్యం, నెయ్యి, బెల్లం కలిపి అరవణ పాయసం తయారు చేస్తారు. బియ్యం, నెయ్యి, బెల్లాన్ని ఉపయోగించి ఈ ప్రసాదంలో అనేక పోషక పదార్ధాలు మిలితం అయిన ఉంటాయి కాబట్టి ఆరోగ్యానికి ఎంతో మేలు చేస్తుంది. చలికాలంలో అరవణ ప్రసాదం తీసుకుంటే శరీరంలో ఉష్ణోగ్రత సమతాస్థితిలో ఉంటుది.ట్రావెన్‌కోర్‌ దేవస్వామ్ బోర్డు పరిధిలోని మావెలిక్కర చెట్టికులంగర దేవి ఆలయం నుంచి ప్రసాదం తయారీకి అవసరమైన బియ్యం సరఫరా అవుతాయి. ఏటా రెండు నెలల వ్యవధిలో సుమారుగా 80 లక్షల ప్రసాదం డబ్బాలను దేవస్థానం బోర్డు విక్రయిస్తుంది. ఒక్కో డబ్బా 250 గ్రాముల బరువు ఉంటుంది. ప్రసాదం తయారీకి సంబంధించి నాణ్యతలో ఎలాంటి లోపాలు లేకుండా ఉండేందుకుగాను మైసూరులోని కేంద్ర ఆహార సాంకేతిక పరిశోధన సంస్థ సభ్యులను సలహాదారులుగా దేవస్వామ్ బోర్డు నియమించింది.
Please follow and like us:
RSS
Follow by Email
Facebook
Facebook
Google+
http://www.7gnews.in/?p=11238
YouTube
Pinterest
LinkedIn
Instagram
  Article "tagged" as:
  Categories:
view more articles

About Article Author