మరో రాసలీలల బాబా

మరో రాసలీలల బాబా
December 21 11:14 2017
లక్నో,
అత్యాచారం ఆరోపణలతో మరో బాబా పేరు తెరపైకి వచ్చింది. ఉత్తరప్రదేశ్‌లోని బస్తీ జిల్లాకు చెందిన బాబా సచ్చిదానంద్.. తమను చిత్ర హింసలకు గురి చేశాడని, పలుమార్లు అత్యాచారం చేశాడని నలుగురు సాధ్వీలు పోలీసులను ఆశ్రయించారు. స్థానిక ఆశ్రమంలో ప్రధాన గురువుగా ఉన్న సచ్చిదానంద్‌, మరో ఇద్దరు అనుచరులతో కలిసి తమపై అఘాయిత్యానికి ఒడిగట్టారని వారు తెలిపారు. బాధితుల ఫిర్యాదు మేరకు కేసు నమోదు చేసుకున్న పోలీసులు దర్యాప్తు ప్రారంభించారు.తమ లైంగిక కోరికలు తీర్చాలంటూ సాధ్వీలపై కొంతకాలంగా బాబాలు ఒత్తిడి తీసుకొచ్చినట్లు ఆరోపణలు వచ్చాయని పోలీసులు తెలిపారు. నిరాకరించినవారిని ఆశ్రమంలో బంధించి అత్యాచారం జరిపారని బాధితులు తెలిపినట్లు పోలీసులు చెప్పారు. బాధితులకు వైద్య పరీక్షలు నిర్వహించామని, కేసు దర్యాప్తు చేస్తున్నామని బస్తీ జిల్లా ఎస్పీ శర్మ తెలిపారు.‘నేను 2008లో ఛత్తీస్‌గఢ్‌ నుంచి ఇక్కడికి వచ్చాను. అప్పటికి నాకు 12 ఏళ్లు. అమాయకురాలిని కావడంతో నాపట్ల ఏం జరిగిదో సరిగా తెలిసేది కాదు. నన్ను బందీగా చేసుకొని ముగ్గురు బాబాలు పలుమార్లు అత్యాచారం చేశారు. నిరాకరిస్తే.. చిత్రహింసలకు గురి చేసేవారు’ అంటూ ఓ బాధితురాలు మీడియా ముందు కన్నీటిపర్యంతమైంది.
Please follow and like us:
RSS
Follow by Email
Facebook
Facebook
Google+
http://www.7gnews.in/?p=12804
YouTube
Pinterest
LinkedIn
Instagram
  Article "tagged" as:
  Categories:
view more articles

About Article Author