బాక్సాఫీస్ వద్ద కొత్త ప్రభంజనం

బాక్సాఫీస్ వద్ద కొత్త ప్రభంజనం
January 06 18:44 2018
హైద్రాబాద్,
బాక్సాఫీస్ వద్ద గత ఏడాది చిత్రాల దండయాత్ర దాదాపు ముగిసింది. క్రిస్మస్, న్యూ ఇయర్, వీకెండ్స్ ను సాధ్యమైనంత మేర క్యాష్ చేసుకున్న ఆ సినిమాలు దాదాపు థియేటర్ల నుంచి ఖాళీ చేశాయి. కొన్ని చోట్ల ఆడుతున్నా థియేటర్లు ఖాళీగానే కనిపిస్తున్నాయి. రెండు మిడ్ రేంజ్ బడ్జెట్ సినిమాలు ‘ఎంసీఏ’ ‘హలో’ల పరిస్థితి ఇది. వీటిల్లో ఎంసీఏ కమర్షియల్ గా సూపర్ హిట్ అనిపించుకుంటోంది. ఇక హలో మాత్రం బాగానే వసూళ్లను సాధించిన పెట్టిన బడ్జెట్ పూర్తి స్థాయిలో రాబట్టుకోలేదనే టాక్ వినిపిస్తోంది ట్రేడ్ పండితుల నుంచి.ఇక సునీల్ ‘టూ కంట్రీస్’ ఆకట్టుకోలేకపోయింది. హీరోగా ఈ కమేడియన్ కు మరో ఫెయిల్యూర్ ను జత చేసింది ఈ సినిమా. రీమేక్ అయినప్పటికీ ఆకట్టుకోలేకపోవడం గమనార్హం. ఇక న్యూ ఇయర్ లో ఒకటీ అర చోటా సినిమాలు విడుదల అయినా.. అవేవీ ఉనికిని చాటుకోలేకపోయాయి. విడుదల అయినట్టుగా కూడా ఎవరికీ తెలియని పరిస్థితి. ఎంసీఏ, హలోలు కొన్ని చోట్ల థియేటర్లలో ఉన్నప్పటికీ.. ప్రేక్షకాదరణ మాత్రం నామమాత్రంగా ఉంది.ఇదీ బాక్సాఫీస్ వద్ద పరిస్థితి. మరో రెండు రోజులు ఇదే పరిస్థితి ఉంటుంది. ఈ డల్ నెస్ కేవలం రెండు రోజులకే పరిమితం. తొమ్మిదో తేదీనే అజ్ఞాత‌వాసి ప్రీమియర్ షోలు పడనున్నాయి. దీంతో బాక్సాఫీస్ వద్ద కొత్త ప్రభంజనం మొదలుకాబోతోంది. 120 కోట్ల రూపాయల భారీ ప్రీ రిలీజ్ మార్కెట్ అయిన సినిమా ఇది. పవన్ కల్యాణ్ అభిమానులతో పాటు.. త్రివిక్రమ్ మార్కు వల్ల సామాన్య సినీ ప్రేక్షకులు కూడా ఈ సినిమా కోసం ఎదురుచూస్తున్నారు. ఈ నేపథ్యంలో బాక్సాఫీస్ వద్ద కలెక్షన్ల తుఫాన్ సంభవించే అవకాశం ఉంది. ఏ మాత్రం పాజిటివ్ టాక్ ను పొందినా.. నాన్ బాహుబలి రికార్డ్స్ అన్నీ బద్ధలయ్యే అవకాశం ఉంది. సో.. ఇక ఓవర్ టు అజ్ఞాత‌వాసి!
Please follow and like us:
RSS
Follow by Email
Facebook
Facebook
Google+
http://www.7gnews.in/?p=15105
YouTube
Pinterest
LinkedIn
Instagram
view more articles

About Article Author