ఓవర్సీస్ లో దుమ్ము రేపుతున్న ‘అజ్ఞాతవాసి

ఓవర్సీస్ లో దుమ్ము రేపుతున్న ‘అజ్ఞాతవాసి
January 16 12:42 2018
హైద్రాబాద్,
‘‘ఎవరండీ ‘అజ్ఞాతవాసి’ ఫ్లాప్ అన్నది? ఇక్కడ ఆడకపోతే సినిమా ఫ్లాపేనా?’’ అంటున్నారు పవన్ ఫ్యాన్స్! మొన్నటివరకు ‘అజ్ఞాతవాసి’పై నిరుత్సాహంగా ఉన్న పవన్ ఫ్యాన్స్‌కు ఈ లెక్కలు ఇప్పుడు ధైర్యాన్ని ఇస్తున్నాయి. దేశంలో ‘అజ్ఞాతవాసి’ బాలేదనే టాక్ నడుస్తున్నా.. ఓవర్‌సీస్‌లో మాత్రం ఈ సినిమా కలెక్షన్లు మీద కలెక్షన్లు కుమ్మేస్తోంది. పవన్ కళ్యాణ్ కెరీర్‌లో ఇది సరికొత్త రికార్డుగా నిలిచిపోనుంది.ఎడిటింగ్‌లో తీసేసిన విక్టరీ వెంకటేష్ సీన్లను కలిపినా ‘అజ్ఞాతవాసి’ కెలక్షన్లలో ఇక్కడ ఎలాంటి మార్పు కనిపించడం లేదు. అయితే, ఓవర్‌సీస్‌లో మాత్రం ఏకంగా 2 మిలియన్ డాలర్ల కలెక్షన్లు సాధించింది. ఇప్పటివరకు విడుదలైన పవన్ సినిమాలేవీ ఇంత కలెక్షన్లు రాబట్టకపోవడం గమనార్హం. ఇంతగా కలెక్షన్లు రావడం వెనుక మరో కారణం ఉందని తెలుస్తోంది.అమెరికాలో ఎన్నడూలేని విధంగా ఒక భారతీయ చిత్రాన్ని అత్యధిక స్క్రీన్లపై విడుదల చేశారు. దీంతో, మొదటి రోజు నుంచే ఈ సినిమాకు భారీగా కలెక్షన్లు వచ్చినట్లు తెలుస్తోంది. పైగా ‘జైసింహ’, ‘గ్యాంగ్’ వంటి చిత్రాలేవీ అక్కడ పెద్దగా పోటీనివ్వకపోవడం ‘అజ్ఞాతవాసి’కి కలిసి వచ్చిందనే చెప్పుకోవాలి. అలాగే, ఈ సినిమా మాస్ కంటే క్లాస్‌కే ఎక్కువగా నచ్చుతోందనే టాక్ కూడా ఉంది. మొత్తానికి ‘అజ్ఞాతవాసి’ కలెక్షన్లు మెగా అభిమానులకు కొంచెం ఊరటనిచ్చాయనే చెప్పుకోవాలి.
Please follow and like us:
RSS
Follow by Email
Facebook
Facebook
Google+
http://www.7gnews.in/?p=15756
YouTube
Pinterest
LinkedIn
Instagram
view more articles

About Article Author