హైద్రాబాద్ లో నల్లకోడి మాంసం

హైద్రాబాద్,

గట్టిగా మసాలా దట్టించిన నాన్ వెజ్ వంటకాలు తినడం కామన్ . బాయిలర్ చికెన్ తిని తినీ ఎప్పుడో బోర్ కొట్టేసింది. ఇక నాటు కోడి అంటారా అది కూడా ఈ మధ్య రోటీన్ అయిపోయింది. అందుకే మన హైదారాబాద్ లోని కొన్ని రెస్టారెంట్లు నల్ల కోడి మాంసాన్ని ప్రిపేర్ చేస్తున్నాయి. కిలో నల్ల కోడి ధర జస్ట్ 1000 రూపాయలు మాత్రమే. మరీ అంత ధర అని మొహం తిప్పుకోకండి ఇందులో ఉండే ఔషద గుణాలు అలాంటివి మరీ. ఇండోనేషియా, బాలి దీవుల్లోని ఆయమ్‌ సెమనీగా పిలిచే నల్లకోళ్ళూ, చైనాలోని సిల్కీ రకాల్లోకి ఇది చెందుతుంది. మధ్యప్రదేశ్‌లోని ఆదీవాసులు అక్కడి వాతావరణాన్ని తట్టుకుని జీవించే ఈ నల్లకోళ్లను దశాబ్దాలుగా పెంచుతున్నారు. వీటిని కడకనాథ్‌ కోళ్లు అని అంటారు. ఈ కోడిలో అద్భుతమైన ఔషద గుణాలున్నాయని ఆహార పరిశోధనా సంస్థ కూడా ప్రకటించింది.ఈ కోడి ఒంటిపై కనిపించే కాదు శరీరం లోపని ఎముకలు కూడా నలుపే. ఈ కోడి మాంసం వండిన తర్వాత నలుపు రంగు కారణంగా మాడిపోయినట్లు ఉంటుంది. బాయిలర్ కోళ్లు 45 రోజుల్లో పెరిగితే, నాటు కోళ్లకు 4 నెలలు పడితే ఈ నల్ల కోళ్లకు 6 నెలల సమయం పడుతుంది. పైగా ఇవి తీసుకునే ఆహారం పరిణామం కూడా చాలా ఎక్కువ. నరాల వ్యాధి, గుండెజబ్బు, క్షయ, ఆస్తమా, తలనొప్పి, ఫిట్స్‌ రోగులకు నల్లకోడి మాంసం మంచిది. వీటి గుడ్లలో ఉండే ప్రోటీన్లు బీపీ, కొలెస్ట్రాల్‌తో బాధ పడే వారికి మేలు చేస్తాయంటున్నారు. ఇతర కోళ్లలో ఉండే కొవ్వు శాతం కంటే ఇందులో చాలా తక్కువగా ఉంటుంది. బి1, బి2, బి6, బి12, సి, ఇ, నియాసిస్‌, కాల్షియం, ఫాస్పరస్‌ నికోటినిక్‌ ఆమ్లం.. తదితర విటమిన్లు నల్లకోళ్లలో పుష్కలంగా ఉంటాయి. నాటు కోడితో పోల్చితే ఐరన్‌ పది రెట్లు ఎక్కువగా ఉంటుంది.నల్లగా ఉండే ఈ కోడి మాంసాన్ని మన స్టైల్లో వండి నల్లకోడి పులుసు, నల్లకోడి వేపుడును హైదరాబాద్లోని ఉలవచారు రెస్టారెంట్ అందిస్తోంది