జనసేనలోకి శ్రీకాంత్

జనసేనలోకి శ్రీకాంత్
February 23 10:59 2018
హైద్రాబాద్,
పవన్ కళ్యాణ్ స్థాపించిన జనసేన పార్టీలోకి చేరికలు ముమ్మరం అవుతున్నాయా? పవన్ కళ్యాణ్‌తో కలిసి జనసైనికులుగా జనంలోకి వెళ్లేందుకు టాలీవుడ్‌కి చెందిన హీరోలు, క్యారెక్టర్ ఆర్టిస్ట్‌లు రెడీ అవుతున్నారా? లాంటి ప్రశ్నలు జనం నోళ్లలో నానుతూనే ఉన్నాయి. అయితే జనసేన పార్టీని స్థాపించిన నాటి నుండి అన్నీ తానై పార్టీని ముందుకు నడిపిస్తున్నారు పవన్ కళ్యాణ్. తనతో కలిసి నడిచేందుకు చాలా మంది నటీ, నటులు ఇంట్రస్ట్ చూపిస్తున్నా పవన్ తనదైన శైలిలో సింగిల్‌గానే రాజకీయ ప్రయాణాన్ని కొనసాగిస్తున్నారు అధినేత పవన్.అయితే రానున్న ఎన్నికల్లో జనసేన పార్టీ తరుపున అభ్యర్థులను రంగంలోకి దింపుతున్నట్టు ప్రకటించిన పవన్ కళ్యాణ్. ఆ స్థానాల్లో ఎవర్ని అభ్యర్థులుగా నిలుపుతారన్నదానిపై పార్టీ నాయకుల్లో స్పస్ఠత లేదు. అయితే పవన్ కళ్యాణ్‌ అత్యంత సన్నిహితంగా ఉండే కమెడియన్ అలీ, శివబాలాజీ, బండ్ల గణేష్ లాంటి వాళ్లు పవన్ పిలుపు కోసం ఎదురుచూస్తున్నారు. వీరితో పాటు హీరో శ్రీకాంత్‌ జనసేనలో వెళ్తారనే ప్రచారం గత కొంతకాలంగా ఇండస్ట్రీలో హాట్ టాపిక్‌గా మారింది. మెగా ఫ్యామిలీతో అత్యంత సన్నిహితంగా ఉండే శ్రీకాంత్… ఇటు మూవీ ఆర్టిస్ట్ అసోసియేషన్‌లో కూడా కీలక సభ్యుడిగా ఉన్నారు. దీంతో శ్రీకాంత్ జనసేన పార్టీలోకి వెళ్లడం దాదాపు ఖామమే. ఆయనకు సీటు కూడా ఖాయం అయ్యిందనే ప్రచారం జరిగింది.అయితే ఈ ప్రచారానికి ఫుల్ స్టాప్ పెట్టేశాడు హీరో శ్రీకాంత్. ఆయన నటించి ‘రా..రా’ మూవీ శుక్రవారం నాడు ప్రేక్షకుల ముందుకు వస్తోంది. ఈ మూవీ ప్రమోషన్స్‌లో భాగంగా మీడియాతో ముచ్చటించిన శ్రీకాంత్‌కు మీరు జనసేన పార్టీలోకి వెళ్తున్నారా? అనే ప్రశ్న ఎదురు కావడంతో తాను జనసేనలోకే కాదనే అసలు ఏ పార్టీలోకి వెళ్లే ఉద్దేశమే లేదన్నారు. నటుడిగా ఈ జర్నీ బాగానే ఉందని.. రాజకీయాలు తనకు పడవన్నారు శ్రీకాంత్. నటుడిగా తనకు ప్రేక్షకుల్లో ఓ గుర్తింపు ఉందని.. ఇప్పుడు రాజకీయాల్లోకి వెళ్లి కొత్తగా కెరియర్ మొదలు పెట్టాల్సిన అవసరం లేదన్నారు శ్రీకాంత్. దీంతో జనసేనలోకి మీరు ‘రా..రా’ అంటే రాను అంటూ ‘రా..రా’ మూవీ ప్రమోషన్స్‌లో కుండబద్దలుకొట్టేశారు హీరో శ్రీకాంత్.
Please follow and like us:
RSS
Follow by Email
Facebook
Facebook
Google+
http://www.7gnews.in/?p=18392
YouTube
Pinterest
LinkedIn
Instagram
view more articles

About Article Author