మైనర్‌పై 80 ఏళ్ల ముసలోడు  అత్యాచారం!

మైనర్‌పై 80 ఏళ్ల ముసలోడు  అత్యాచారం!
February 23 18:09 2018
భోపాల్,
నాగరిక సమాజం సిగ్గుతో తలదించుకోవాల్సిన ఘటన ఇది. ఒకరు ఇద్దరు కాదు ఏకంగా ఆరుగురు కామాంధులు గత ఆరు మాసాలుగా ఓ మైనర్ బాలికను బెదిరించి తమ లైంగిక వాంఛను తీర్చుకున్నారు. ఇందులో 80 ఏళ్ల పండు ముసలోడు కూడా భాగస్వామిగా ఉండటం గమనార్హం. హేయమైన ఈ ఘటన మధ్యప్రదేశ్‌లో చోటుచేసుకుంది. ప్రస్తుతం ఆ బాలిక గర్భం దాల్చడంతో విషయం వెలుగులోకి వచ్చింది. నిందితులపై పోలీసులకు ఫిర్యాదు చేయడంతో వారిలో ఐదుగుర్ని అదుపులోకి తీసుకున్నారు. వీరిలో సుఖదేవ్ తివారీ (80) పరారీలో ఉన్నాడు. పోలీసులు తెలిపిన వివరాల ప్రకారం గ్రామానికి చెందిన భుర రాజక్ అనే వ్యక్తి బాధితురాలపై ఆరు నెలల కిందట అత్యాచారం చేశాడు. కుటుంబం పరువు పోతుందనే భయంతో ఆ బాలిక ఈ విషయాన్ని బయటపెట్టలేదు.దీన్ని అలుసుగా తీసుకున్న మరో వ్యక్తి వచన్ రజక్ ఆమెను బెదిరించి అత్యాచారానికి పాల్పడ్డాడు. ఈ విషయాన్ని బయటపెడితే ముందు జరిగిన అత్యాచారాన్ని అందరికీ చెప్పేస్తానని బెదిరించాడు. ఆ తర్వాత సుఖ్‌దేవ్, సోను రజక్, రాజ్‌కుమార్ రజక్, రవి రజక్‌లు ఇలాగే బెదరించి అత్యాచారం చేసినట్లు బాధితురాలు తెలిపింది. పరువు పోతుందనే ఉద్దేశంతో వారి ఆగడాలను మౌనంగా భరించింది. ఈ విషయం తెలిస్తే కుటుంబం తలెత్తుకు తిరగలేదని భావించింది. అయితే తాను గర్భం దాల్చిన విషయాన్ని గ్రహించిన బాధితురాలు వేరే దారిలేక ఈ విషయం తల్లికి చెప్పింది.దీంతో కుటుంబసభ్యులు ఆమెను వెంటబెట్టుకుని ఖమారియా పోలీస్ స్టేషన్‌కు వెళ్లి బుధవారం నాడు ఫిర్యాదు చేశారు. జబల్పూర్ ఎస్పీ శశికాంత్ శుక్లా స్వయంగా బాధితురాలి నుంచి వాంగ్మూలం తీసుకున్నారు. ఫిర్యాదుపై తక్షణమే స్పందించిన పోలీసులు ఐదుగురు నిందితుల్ని అరెస్ట్ చేశారు. పరారీలో ఉన్న సుఖ్‌దేవ్ గురించి గాలిస్తున్నారు. వీరిపై అత్యాచారం, బెదిరింపుల కేసు నమోదుచేసి కోర్టు ముందు హాజరుపరిచారు. న్యాయస్థానం రిమాండ్ విధించడంతో జైలుకు తరలించి, డీఎన్ఏ పరీక్షల కోసం రక్త నమూనాలను సేకరించారు.
Please follow and like us:
RSS
Follow by Email
Facebook
Facebook
Google+
http://www.7gnews.in/?p=18490
YouTube
Pinterest
LinkedIn
Instagram
  Article "tagged" as:
  Categories:
view more articles

About Article Author