వచ్చే ఏడాది 4 లక్షల ఉద్యోగాలు

వచ్చే ఏడాది 4 లక్షల ఉద్యోగాలు
December 26 15:44 2018

2019 సంవత్సరం నిరుద్యోగులకు ఉద్యోగనామ సంవత్సరం అని చెప్పవచ్చు. ముఖ్యంగా టెక్నాలజీ, ఈకామర్స్ రంగాల్లో కొత్త ఉద్యోగాల పర్వం కొనసాగనుంది. ఈ మేరకు దేశీయ టెక్ స్టార్టప్‌ సంస్థలు, ఈ కామర్స్‌ సంస్థలు భారీ స్థాయిలో నియామకాలు చేపట్టనున్నాయి. హెల్తియన్స్‌, మిల్క్‌ బాస్కెట్‌, కార్స్‌ 24, ఇస్టామోజో, మో ఎంగేజ్‌ వంటి సంస్థలు ప్రస్తుత పరిస్థితితో పోలిస్తే 50 శాతం అధికంగా ఉద్యోగాలు కల్పించనున్నాయి. మరోవైపు ఫుడ్ డెలివరీ సంస్థలైన జొమాటో, ఓయో, స్విగ్గీ వంటి సంస్థలు తమ ఉద్యోగుల సంఖ్యను 30 శాతం పెంచుకునే ప్రక్రియలో ఉన్నాయి. ఆర్టిఫీషియల్ ఇంటెలిజెన్స్ (ఏఐ), బిగ్‌డేటా అనలిటిక్స్‌ టెక్నాలజీలు దేశంలోని ఉద్యోగ వాతావరణాన్ని పూర్తిగా మార్చనున్నాయని.. ఆయా రంగాల్లో ఉద్యోగాలు కూడా పెరుగనున్నాయని ‘నాస్కామ్‌’ ఉపాధ్యక్షుడు కె.ఎస్‌ విశ్వనాథన్‌ తెలిపారు. 2019లో దేశవ్యాప్తంగా ఉన్న టెక్‌ సంస్థలు అదనంగా 40,000 కొత్త ఉద్యోగాలు ఇవ్వనున్నాయని ఆయన వెల్లడించారు. గత మూడేళ్లలో దేశవ్యాప్తంగా టెక్‌ సంస్థలు రెట్టింపయ్యాయని.. దీనివల్ల ఈ ఏడాది ఉద్యోగ నియామకాల్లో 55 శాతం వృద్ధి నమోదైనట్లు ఆయన తెలిపారు. దేశంలోని చాలా సంస్థలు వాటి అవసరాల నిమిత్తం సొంత టెక్నాలజీ బృందాలను ఏర్పాటు చేసుకుంటున్నాయి. వీటిలో ఫుడ్ డెలివరీ, ఈకామర్స్‌ సంస్థలు ముందువరుసలో నిలస్తున్నాయి. ఈ మేరకు ఆయా సంస్థల్లో పెట్టుబడులు కూడా పెరుగుతున్నాయి. యాంట్‌ ఫైనాన్షియల్‌ సంస్థ జొమాటోలో 210 మిలియన్‌ డాలర్ల పెట్టుబడులు పెట్టడం, నాస్పర్స్‌ సంస్థ ‘స్విగ్గీ’లో 100 కోట్ల డాలర్లు పెట్టుబడులు పెట్టడం ఇందుకు ఉదాహరణలుగా చెప్పవచ్చు. ఇలాంటి సంస్థలన్నీ చిన్న పట్టణాల్లో కూడా తమ సేవలు విస్తరణకు తగు ప్రణాళికలు రూపొందిస్తున్నాయి. ఇదిలా ఉండగా.. ఓయో రూమ్స్‌ సైతం తమ టెక్నాలజీ విభాగాన్ని విస్తరించేందుకు ప్రయత్నాలు ముమ్మరం చేసింది. మరోవైపు గురుగ్రామ్‌కు చెందిన మిల్క్‌బాస్కెట్‌ సంస్థ అమెరికాకు చెందిన మేఫీల్డ్‌ ఫండ్‌ నుంచి 7 మిలియన్‌ డాలర్ల అదనపు పెట్టుబడులు పొందింది. ఈ సంస్థ వచ్చే ఏడాదికి తమ ఉద్యోగుల సంఖ్యను 3 వేలకు పెంచనుంది. కార్స్‌24 సంస్థ సైతం 2019లో తమ ఉద్యోగుల సంఖ్యను 3 వేలకు పెంచుకునే దిశగా సాగుతోంది. ఇక ఇంటి వద్దే వైద్య సేవలు అందించే హెల్తియన్స్‌ సంస్థ కూడా కొత్త ఏడాదిలో 150 మందిని అదనంగా నియమించుకోనుంది

Please follow and like us:
RSS
Follow by Email
Facebook
Facebook
Google+
http://www.7gnews.in/?p=22393
YouTube
Pinterest
LinkedIn
Instagram
  Article "tagged" as:
  Categories:
view more articles

About Article Author