భానుప్రియపై కేసు నమోదు

భానుప్రియపై కేసు నమోదు
January 24 17:01 2019

14 ఏళ్ల బాలికపై వేధింపుల ఆరోపణలతో సీనియర్ నటి భానుప్రియపై కేసు నమోదైంది. తూర్పుగోదావరి జిల్లా సామర్లకోట మండలం పండ్రవాడకు చెందిన ప్రభావతి అనే మహిళ ఏడాది కిందట తన కూతురు సంధ్యని చెన్నైలో భానుప్రియ నివాసంలో పనికి పెట్టింది. అయితే గత కొన్నాళ్లుగా తన కూతుర్ని ఇంటికి పంపించకుండా వేధింపులకు గురిచేస్తున్నారని.. ఫోన్‌లో కూడా మాట్లాడకుండా తన కుమార్తెను చిత్ర హింసలకు గురిచేస్తున్నారంటూ పోలీసులకు ఫిర్యాదు అందడంతో కేసు నమోదు చేశారు. కాగా.. భానుప్రియ సోదరుడు తన కుమార్తెపై గత కొన్నాళ్లుగా లైంగిక దాడికి పాల్పడుతున్నారని.. గట్టిగా అడిగితే తన కుమార్తెపై దొంగతనం కేసు పెడతాం అంటూ బెదిరింపులకు పాల్పడుతున్నారంటూ ఆరోపిస్తున్నారు బాధితురాలి తల్లి. చైల్డ్ హెల్ప్ లైన్ సహకారంతో పోలీసులకు ఆశ్రయించిన ప్రభావతి తన కుమార్తెను ఇంటికి తీసుకురావాల్సిందిగా పోలీసుల్ని కోరుతున్నారు. రంగంలోకి దిగిన పోలీసులు త్వరలో నటి భానుప్రియను విచారించబోతున్నట్టు తెలుస్తోంది. ఈ కేసుపై మరిన్ని వివరాలు తెలియాల్సిఉంది.

Please follow and like us:
RSS
Follow by Email
Facebook
Facebook
Google+
http://www.7gnews.in/?p=24107
YouTube
Pinterest
LinkedIn
Instagram
view more articles

About Article Author