చందా కొచ్చర్ కు సీబీఐ షాక్

చందా కొచ్చర్ కు సీబీఐ షాక్
January 24 17:05 2019

కేంద్ర దర్యాప్తు సంస్థ సీబీఐ తాజాగా ఐసీఐసీఐ బ్యాంక్ మాజీ సీఈవో చందాకొచ్చర్‌కు షాకిచ్చింది. ఐసీఐసీఐ బ్యాంక్-వీడియోకాన్ కేసుకు సంబంధించి క్విడ్‌ప్రోకో ఆరోపణలకు గానూ ఈమెపై ఎఫ్ఐఆర్ నమోదు చేసింది. సీబీఐ కొద్దిసేపటి ముందే చందాకొచ్చర్ భర్త దీపక్ కొచ్చర్, వీడియోకాన్ బాస్ వేణుగోపాల్ దూత్‌లపై కూడా ఎఫ్ఐఆర్ నమోదు చేసింది. ఐసీఐసీఐ బ్యాంక్‌- వీడియోకాన్‌ రుణం కేసులో రూ.3,250 కోట్ల మేర అక్రమాలు సాగాయని ఆరోపణులున్నాయి. సీబీఐ వీడియోకాన్ గ్రూప్‌కు సంబంధించిన కార్యాలయాలపై దాడులు నిర్వహించింది. ముంబయిలోని వీడియోకాన్‌ కార్యాలయాలపై, ఔరంగాబాద్‌లోని న్యూపవర్‌, ముంబయి నారీమన్‌ పాయింట్‌లోని సుప్రీం ఎనర్జీ కార్యాలయాలపై సీబీఐ దాడులు చేసింది. 2012లో ఐసీఐసీఐ బ్యాంక్‌ నుంచి వీడియోకాన్‌ గ్రూప్‌నకు రూ.3,250 కోట్ల రుణం మంజూరైన కొద్దినెలలకే ఆ కంపెనీ అధినేత వేణుగోపాల్‌ ధూత్‌.. చందాకొచర్‌ భర్తకు చెందిన న్యూపవర్‌ సంస్ధలో కోట్లాది రూపాయల పెట్టుబడులు పెట్టినట్టు దర్యాప్తు సంస్ధలు ఆరోపిస్తున్నాయి. గతంలో సెబీ చేపట్టిన ప్రాధమిక దర్యాప్తులో చందాకొచర్‌ భర్త దీపక్‌ కొచ్చర్‌ వీడియోకాన్‌ గ్రూప్‌తో పలుమార్లు వ్యాపార సంప్రదింపులు జరిపినట్టు వెల్లడైంది. దీపక్‌, వీడియోకాన్‌ చీఫ్‌ వేణుగోపాల్‌ ధూత్‌ న్యూపవర్‌ సహవ్యవస్దాపకులు కావడం గమనార్హం

Please follow and like us:
RSS
Follow by Email
Facebook
Facebook
Google+
http://www.7gnews.in/?p=24143
YouTube
Pinterest
LinkedIn
Instagram
view more articles

About Article Author