ఎట్టకేలకు ఫామ్‌లోకి యువరాజ్ సింగ్

ఎట్టకేలకు ఫామ్‌లోకి యువరాజ్ సింగ్
January 25 17:52 2019

ఐపీఎల్ ఆరంభానికి ముందు యువరాజ్ సింగ్ ఫామ్‌లోకి వచ్చాడు. గత కొన్నేళ్లుగా పరుగులు చేయడంలో సతమతం అవుతున్న యువీ ఎట్టకేలకు బ్యాట్‌తో మెరిశాడు. డీవై పాటిల్ టీ20 టోర్నమెంట్‌లో 57 బంతుల్లో 80 పరుగులు చేసి టచ్‌లోకి వచ్చాడు. సయ్యద్ ముస్తఖ్ అలీ ట్రోఫీ, ఐపీఎల్‌ ప్రారంభానికి ముందు యువీకి ఈ మ్యాచ్ సన్నాహకంగా ఉపయోగపడనుంది. ఎయిర్ ఇండియా 12 పరుగులకే రెండు వికెట్లు కోల్పోయిన దశలో క్రీజులోకి వచ్చిన యువీ.. మూడో వికెట్‌కు పౌల్ వాల్థాటీతో కలిసి 51 పరుగులు జోడించాడు. అనంతరం సుజిత్ నాయక్‌తో కలిసి 88 పరుగుల భాగస్వామ్యం నెలకొల్పాడు. ఎయిర్ ఇండియా నిర్దేశించిన 170 పరుగుల లక్ష్యాన్ని ముంబై కస్టమ్స్ చివరి ఓవర్లలో చేధించింది. విక్రాంత్ ఔటి (52 బంతుల్లో 86 నాటౌట్), స్వప్నిల్ ప్రధాన్ (53 బంతుల్లో 67 నాటౌట్) రాణించడంతో 9 వికెట్ల తేడాతో ఆ జట్టు గెలుపొందింది. 37 ఏళ్ల యువీ డీవై పాటిల్ లీగ్ ముగిశాక ఫిబ్రవరి 21 నుంచి ప్రారంభమయ్యే సయ్యద్ ముస్తాఖ్ అలీ ట్రోఫీలో ఆడనున్నాడు. 2011లో భారత్‌కు ఒంటి చేత్తో వరల్డ్ కప్ అందించిన యువరాజ్.. తర్వాత ఫామ్ కోల్పోయి జట్టులో స్థానం కోల్పోయాడు. గత ఐపీఎల్‌లోనూ పేలవ ప్రదర్శన చేశాడు. ఈ ఏడాది వేలంలో తొలి రౌండ్లో యువీని కొనుగోలు చేయడానికి ఏ ఫ్రాంచైజీ కూడా ముందుకు రాలేదు. కానీ చివర్లో ముంబై ఇండియన్స్ కోటి రూపాయలకు ఈ వెటరన్ ఆల్‌రౌండర్‌ను దక్కించుకుంది.

Please follow and like us:
RSS
Follow by Email
Facebook
Facebook
Google+
http://www.7gnews.in/?p=24183
YouTube
Pinterest
LinkedIn
Instagram
view more articles

About Article Author