ఫిబ్రవరి 22న మహానాయకుడు

ఫిబ్రవరి 22న మహానాయకుడు
February 13 10:47 2019

ఎన్టీఆర్ బయోపిక్ మూవీ ‘ఎన్టీఆర్ కథానాయకుడు సంక్రాంతి కానుకగా జనవరి 9న విడుదలై ఆశించిన స్థాయి విజయాన్ని అందుకోలేకపోయింది. దీంతో రెండో భాగం పలు వాయిదాల అనంతరం విడుదల తేదీని కన్ఫామ్ చేసుకుంది. తాజాగా ఎన్టీఆర్ బయోపిక్ మూవీ రెండో భాగం ‘మహానాయకుడు’ షూటింగ్‌కి గుమ్మడికాయ కొట్టేయడంతో ఫిబ్రవరి 22న విడుదల చేస్తున్నట్టు చిత్ర యూనిట్ అధికారికంగా ప్రకటించింది. తొలిభాగం మొత్తం ఎన్టీఆర్ కథానాయకుడిగా ఎదిగిన తీరును చూపించిన క్రిష్.. రెండో భాగం మొత్తం ఆయన రాజకీయ జీవితాన్ని చూపించబోతున్నారు. అయితే ఎన్టీఆర్ పాత్రలో నటించిన బాలయ్య తొలిభాగంలో పూర్తి న్యాయం చేయలేకపోయారనే అభిప్రాయం ప్రేక్షకుల్లో ఉంది. ముఖ్యంగా యంగ్ ఎన్టీఆర్‌గా బాలయ్యను ఊహించుకోవడమే కష్టంగా మారడంతో ఈ చిత్రం బాక్సాఫీస్ వద్ద నష్టాల బాట పట్టింది. దీంతో ఈ ఎఫెక్ట్ ‘మహానాయకుడు’పై పడకుండా దర్శకుడు క్రిష్ జాగ్రత్తగా డీల్ చేసినట్టు తెలుస్తుంది. తొలిభాగంలో మిస్ చేసిన ఎమోషన్ కంటెంట్‌ను రెండో భాగంలో ఎంత వరకూ క్యారీ చేశారన్నది ఫిబ్రవరి 22న తేలిపోనుంది. అయితే ఎన్టీఆర్ చివరి రోజుల్లో పార్టీ నేతలతో విభేదించిన తీరు.. లక్ష్మీ పార్వతికి చేరువైన అంశాలను ఏ కోణంలో చూపించారన్నదే ప్రేక్షకుల్లో ఉన్న ప్రధాన ఆసక్తి. సెకండ్ పార్ట్‌లో చంద్రబాబు పాత్ర కూడా ఉండటంతో ఈ సినిమాపై అంచనాలు బాగానే ఉన్నాయి. ఈ పాత్రను రానా పోషించడం మరో విశేషం. 

Please follow and like us:
RSS
Follow by Email
Facebook
Facebook
Google+
http://www.7gnews.in/?p=25159
YouTube
Pinterest
LinkedIn
Instagram
view more articles

About Article Author