తలసానికి తృటిలో తప్పిన ప్రమాదం

తలసానికి తృటిలో తప్పిన ప్రమాదం
October 11 17:33 2017
తెలంగాణ రాష్ట్ర మంత్రి తలసాని శ్రీనివాస్ యాదవ్‌కు తృటిలో ప్రమాదం తప్పింది. ఆయన ప్రయాణిస్తున్న కారును ఓ లారీ వెనుక నుంచి ఢీకొట్టింది. అదృష్టవశాత్తు మంత్రి తలసాని ప్రమాదం నుంచి సురక్షితంగా బయటపడ్డారు. అయితే అదే కారులో ప్రయాణిస్తున్న మేడ్చల్ ఎమ్మెల్యే సుధీర్‌రెడ్డికి స్వల్పగాయాలయ్యాయి. బుధవారం ఉదయం మేడ్చల్‌లో కలెక్టరేట్ శంకుస్థాపన కార్యక్రమానికి మంత్రి తలసాని తన కారులో వెళ్లారు. అక్కడ భూమి పూజ ముగిసిన అనంతరం తిరిగి హైదరాబాద్‌కు బయలుదేరారు. మేడ్చల్ ఎమ్మెల్యే సుధీర్‌రెడ్డి కూడా తలసానితో పాటే కారులో ఉన్నారు.అయితే ఔటర్ రింగ్ రోడ్డుపై కీసర సమీపంలోకి వెనుక నుంచి వేగంగా వచ్చిన లారీ మంత్రి కారును ఢీకొట్టింది. దీంతో కారు వెనుక భాగం ధ్వంసమైంది. కారు కూడా ఆగిపోవడంతో మంత్రి తలసానిని, ఎమ్మెల్యే సుధీర్‌రెడ్డిని వేరే వాహనంలో హైదరాబాద్‌కు తరలించారు. సుధీర్‌రెడ్డికి స్వల్పగాయాలు కావడంతో ఆసుపత్రిలో చేర్చారు. తలసాని సురక్షితంగా బయటపడ్డారు. మధ్యప్రదేశ్ రిజిస్ట్రేషన్‌తో ఉన్న లారీని పోలీసులు స్వాధీనం చేసుకున్నారు.
Please follow and like us:
RSS
Follow by Email
Facebook
Facebook
Google+
http://www.7gnews.in/?p=2884
YouTube
Pinterest
LinkedIn
Instagram
  Categories:
view more articles

About Article Author