వైసీపీ, బీజేపీ.. దొందూ దొందే

వైసీపీ, బీజేపీ.. దొందూ దొందే
October 16 16:48 2017

అటు ప్రతిపక్ష వైఎస్సార్ కాంగ్రెస్ పార్టీ, ఇటు తమ మిత్రపక్ష భారతీయ జనతా పార్టీలు అభివృద్ధికి అడ్డుపడుతున్నాయని అన్నారు తెలుగుదేశం పార్టీ సీనియర్ నేత, ఎమ్మెల్యే బుచ్చయ్య చౌదరి. రాష్ట్రంలో భారతీయ జనతా పార్టీ కూడా అధికార భాగస్వామి అయినా, కేంద్రంలోని ప్రభుత్వంలో తెలుగుదేశం పార్టీ భాగస్వామి అయినా.. బుచ్చయ్య చౌదరి భారతీయ జనతా పార్టీపై విరుచుకుపడిన వైనం ఆసక్తికరంగా మారింది. వైఎస్సార్సీపీ, బీజేపీలు ఒకే రీతిన వ్యవహరిస్తున్నాయని ఈ ఎమ్మెల్యే అన్నారు. ప్రత్యేకించి బీజేపీ నేత సోమూవీర్రాజుపై బుచ్చయ్య చౌదరి తీవ్రంగా విరుచుకుపడ్డారు.చంద్రబాబు ప్రభుత్వంపై సోమూ వీర్రాజు విమర్శలు చేస్తున్నారని, అయితే ఏపీ ప్రబుత్వంలో భారతీయ జనతా పార్టీ కూడా భాగస్వామి అనే విషయాన్ని సోమూ గుర్తుంచుకోవాలని బుచ్చయ్య చౌదరి అన్నారు. చంద్రబాబు ప్రభుత్వాన్ని బీజేపీ నేతలు విమర్శించడం ఏమిటి? అని ప్రశ్నించారు. భారతీయ జనతా పార్టీ కూడా అభివృద్ధి నిరోధకంగా మారిందని వ్యాఖ్యానించారు.ఒకవైపు కేంద్ర ప్రభుత్వం ఏపీ అభివృద్ధికి ఏ మాత్రం సహకారం అందించలేదని, మరోవైపు ఏపీ బీజేపీ నేతలు ఇలా మాట్లాడుతున్నారన్నారు. కేంద్ర ప్రభుత్వం ఏపీకి ఇవ్వాల్సిన నిధుల విషయంలో తను అనేక మార్లు రాతపూర్వకంగా విన్నపాలు చేశానని అయినా ప్రయోజనం లేదన్నారు. కీలకమైన విశాఖ రైల్వేజోన్ విషయంలో కూడా బీజేపీ తమ ఎన్నికల మేనిఫెస్టోలోని మాట నిలబెట్టుకోవడం లేదన్నారు.భారతీయ జనతా పార్టీ పై ఇలా ఒక తెలుగుదేశం పార్టీ పార్టీ సీనియర్ విమర్శలు చేయడం ఆసక్తికరమైన వ్యవహారమే. మిత్రపక్షాలుగా కొనసాగుతూ ఇలాంటి విమర్శలు చేసుకుంటున్న ఈ పార్టీల వ్యవహారం ఎంత వరకూ వెళ్తుందో చూడాలి

 

Please follow and like us:
RSS
Follow by Email
Facebook
Facebook
Google+
http://www.7gnews.in/?p=3595
YouTube
Pinterest
LinkedIn
Instagram
  Article "tagged" as:
  Categories:
view more articles

About Article Author