రేవంత్ రాజీనామా ఆమోదానికి కొర్రీలు?

రేవంత్ రాజీనామా ఆమోదానికి కొర్రీలు?
October 31 18:02 2017
తెలుగుదేశం పార్టీని వీడి కాంగ్రెస్ పార్టీలోకి చేరిన రేవంత్ రెడ్డి ఎమ్మెల్యే పదవికి కూడా రాజీనామా చేసిన సంగతి తెలిసిందే. పార్టీలు మారుతున్న చాలా మంది ఎమ్మెల్యేలు తమ పదవులకు రాజీనామాలు చేయకుండానే జంప్ చేసేస్తున్నారు. అటు ఏపీలో చాలా మంది ప్రతిపక్ష పార్టీ ఎమ్మెల్యేలు రాజీనామా చేయకుండానే అధికార తెలుగుదేశం పార్టీలోకి చేరిపోయారు. ఇక తెలంగాణలో కూడా అధికార తెరాసలోకి ఫిరాయించిన కాంగ్రెస్, టీడీపీ ఎమ్మెల్యేలు ఎమ్మెల్యే పదవికి రాజీనామా చేయకుండానే జంప్ అయ్యారు. ఇలా రాజకీయ ఫిరాయింపులు జరుగుతున్న వేళ రేవంత్ రెడ్డి మాత్రం ఎమ్మెల్యే పదవికి రాజీనామా చేసి మరీ కాంగ్రెస్ లోకి వెళ్లారు.
ఏపీలో శిల్పా చక్రపాణి రెడ్డి తెదేపాకు రాజీనామా చేసి వైసీపీలో చేరిన సమయంలో ఎమ్మెల్సీ పదవికి రాజీనామా చేశారు. తెలంగాణలో రేవంత్ రెడ్డి ఎమ్మెల్యే పదవికి రాజీనామా పత్రాన్ని సమర్పించి.. కాంగ్రెస్ పార్టీలో చేరారు. ఇలా వీరిద్దరూ ప్రత్యేకంగా నిలుస్తున్నారు. ఏపీలో మాత్రం మొహమాటం ఏమీ లేకుండా శిల్పా రాజీనామాను టక్కున ఆమోదించేశారు.
అయితే తెలంగాణలో మాత్రం అది జరిగే అవకాశం కనిపించడం లేదనే మాట వినిపిస్తోంది. ఇప్పుడు రేవంత్ రెడ్డి రాజీనామాను ఆమోదిస్తే అధికార టీఆర్ఎస్ నైతికంగా ఇబ్బందిలో పడుతుంది. తెలుగుదేశం పార్టీని వీడి కాంగ్రెస్ లో చేరిన రేవంత్ రెడ్డి ఎమ్మెల్యే పదవికి చేసి హీరో అయ్యారు. అయితే తెలుగుదేశం, కాంగ్రెస్ పార్టీల నుంచి చాలా మంది ఎమ్మెల్యేలను చేర్చుకున్న టీఆర్ఎస్ మాత్రం వారి చేత రాజీనామా చేయించలేదు. తను పార్టీ మారి డేర్ గా ఎమ్మెల్యే పదవికి రాజీనామా చేశానని, టీఆర్ఎస్ అధినేతకు ఆ మాత్రం ధైర్యం లేకపోయిందని, అందుకే ఫిరాయింపు ఎమ్మెల్యేల చేత రాజీనామా చేయించడం లేదని రేవంత్ రెడ్డి వాదించే అవకాశం ఉంది. కొడంగల్ స్థానానికి ఉప ఎన్నిక వస్తే.. ఈ నినాదంతోనే రేవంత్ దూసుకెళ్లే అవకాశం ఉంది. ఈ నేపథ్యంలో ఎమ్మెల్యే పదవికి రేవంత్ రెడ్డి చేసిన రాజీనామాను ఆమోదించకపోతే.. టీఆర్ఎస్ కొంత సేఫ్ జోన్లో ఉండగలదు. అందుకే.. రేవంత్ రాజీనామా ఆమోదం పొందడం సందేహమే అని విశ్లేషకులు వ్యాఖ్యానిస్తున్నారు.
Please follow and like us:
RSS
Follow by Email
Facebook
Facebook
Google+
http://www.7gnews.in/?p=5408
YouTube
Pinterest
LinkedIn
Instagram
view more articles

About Article Author