శ్రీకాంత్ కు కాసులే…కాసులు

శ్రీకాంత్ కు కాసులే…కాసులు
November 02 20:05 2017

ఫ్రెంచ్ ఓపెన్ సూపర్ సిరీస్‌లో విజేతగా నిలిచిన తెలుగు షట్లర్ కిదాంబి శ్రీకాంత్‌కు ఆంధ్రప్రదేశ్ ప్రభుత్వం వరాలు కురిపించింది. శ్రీకాంత్ స్ఫూర్తిదాయక విజయాన్ని అభినందించిన ఆంధ్రప్రదేశ్ మంత్రి మండలి.. అతడికి రూ.2 కోట్ల నగదు బహుమతి అందించాలని, గ్రూప్-1 అధికారి (డిప్యూటీ కలెక్టర్) ఉద్యోగం కల్పించాలని, అమరావతిలో వెయ్యి గజాల స్థలం ఇవ్వాలని నిర్ణయించింది. అలాగే శ్రీకాంత్ చీఫ్ కోచ్ పుల్లెల గోపీచంద్‌కు రూ.15 లక్షలు, ఎలైట్ లెవెన్ కోచ్ సుధాకర్‌రెడ్డికి రూ.11,25,000, మరో కోచ్ శ్రీకాంత్‌కు రూ.3,75,00 నగదు బహుమతిగా ఇవ్వాలని మంత్రి మండలి బుధవారం తీర్మానించింది. ఈ మేరకు ఒక ప్రకటనను విడుదల చేసింది.ఒకే ఏడాదిలో నాలుగు సూపర్ సిరీస్ టైటిళ్లు గెలుపొందిన భారత తొలి షట్లర్‌గా శ్రీకాంత్ చరిత్రకెక్కిన సంగతి తెలిసిందే. ఈ విషషయంలో శ్రీకాంత్‌ను మంత్రి మండలి ప్రశంసించింది. డెన్మార్క్ ఓపెన్‌లో విజేతగా నిలిచిన శ్రీకాంత్ వారం రోజుల వ్యవధిలోనే ఫ్రెంచ్ ఓపెన్‌ టైటిల్ నెగ్గడం అతడి ప్రతిభకు నిదర్శనమని మంత్రి మండలి తమ ప్రకటనలో పేర్కొంది. ప్రపంచ బ్యాడ్మింటన్‌లో అత్యుత్తమ ఆటగాళ్లు లీ చాంగ్ వీ, లిన్ డాన్, చెన్ లాంగ్ సరసన శ్రీకాంత్ నిలవడం యువ క్రీడాకారులకు స్ఫూర్తిదాయకమని అభివర్ణించింది. శ్రీకాంత్ భవిష్యత్తులో మరిన్ని విజయాలు సాధించాలని ఆకాంక్షించింది.కాగా, మరో తెలుగు తేజం పి.వి.సింధును ఆంధ్రప్రదేశ్ ప్రభుత్వం ఇప్పటికే డిప్యూటీ కలెక్టర్‌గా నియమించిన సంగతి తెలిసిందే. అమరావతిలో పీవీ సింధుకు వెయ్యి గజాల స్థలం, రూ.3 కోట్ల నగదును కూడా ఏపీ ప్రభుత్వం కేటాయించింది. ఇప్పుడు అదే కోవలో శ్రీకాంత్‌కు నజరానా ప్రకటించింది.

Please follow and like us:
RSS
Follow by Email
Facebook
Facebook
Google+
http://www.7gnews.in/?p=5796
YouTube
Pinterest
LinkedIn
Instagram
  Categories:
view more articles

About Article Author