విమాన టిక్కెట్లకు కేంద్రం కళ్లెం

విమాన టిక్కెట్లకు కేంద్రం కళ్లెం
November 29 10:38 2017
ముంబై,
విమాన టిక్కెట్ బుక్ చేసుకునే ప్రయాణీకులు దాన్ని మళ్లీ రద్దు చేసుకుంటే అధిక ఛార్జీలు వసూలు చేస్తారు. టిక్కెట్ ధరకంటే రద్దు ఛార్జీలే తడిసి మోపుడవుతున్నాయి. అయితే త్వరలో వీటిని తగ్గించే ప్రయత్నాలు కేంద్రం ప్రారంభించింది. ఇది కార్యరూపం దాల్చితే విమాన ప్రయాణికులకు శుభవార్తే అవుతుంది. ప్రయాణికులపై టికెట్‌ రద్దు ఛార్జీలను ఎక్కువగా విధిస్తున్నారని, వాటిని తగ్గిస్తే బాగుంటుందని కేంద్రం అభిప్రాయపడింది. దీనిపై విమానయాన సంస్థలతో చర్చించే అవకాశం ఉంది. కొన్ని సందర్భాల్లో టిక్కెట్ ధరకంటే, రద్దు ఛార్జీలే అధికంగా ఉంటున్నాయి.‘టికెట్‌ రద్దు చేసుకుంటే రూ. 3000 అంటే చాలా ఎక్కువని మేం భావిస్తున్నాం. చాలా సందర్భాల్లో టికెట్‌ కంటే రద్దు ఛార్జీలే ఎక్కువ. ఉడాన్‌ పథకం కింద గంట ప్రయాణానికి విమాన టికెట్‌ ధర రూ. 2500గా ఉంది. వీటిని తగ్గించి టికెట్‌ ధరలకు సరిసమానం చేస్తే బాగుంటుందని పౌర విమానయాన సహాయ మంత్రి జయంత్‌సిన్హా వ్యాఖ్యానించారు అంతేకాదు.. ఈ ఛార్జీలను సమీక్షించాలని విమానయాన సంస్థలకు త్వరలోనే సూచనలు చేస్తామని అన్నారు. దీనికి ఎయిర్‌లైన్స్‌ అంగీకరిస్తే.. టికెట్‌ రద్దు ఛార్జీలను తగ్గించే అవకాశముంది. కొన్ని నెలలు ముందు విమాన టిక్కెట్‌ను బుక్ చేసుకునే ప్రయాణీకులు కొన్ని కారణాల వల్ల రద్దుచేసుకుంటే, రద్దు ఛార్జీలే అధికంగా ఉంటాయి… ఇలాంటి కారణంతో ముందస్తు కొనుగోలుకు ఆటంకంగా మారాయి.. ప్రయాణానికి కొన్ని గంటల ముందు టిక్కెట్ కొంటే అధిక ధరలు ఉంటాయని ఓ ట్రావెల్ ఏజెంట్ వ్యాఖ్యానించారు.ఇవే కాదు దేశీయ విమానాల్లో ప్రయాణికులు లగేజ్ 15 కిలోలకు మించితే అదనపు ఛార్జీలు వసూలు చేస్తారు. వీటిని దృష్ట‌ిలో ఉంచుకుని ప్రయాణీకులు హక్కుల బిల్లును రూపొందించనున్నామని సిన్హా తెలిపారు. దీని వల్ల విమాన ప్రయాణీకులకు లబ్ది కలుగుతుంది. దేశంలో గత మూడున్నరేళ్లలో విమాన ప్రయాణీకులు శాతం రెట్టింపయ్యిందని, ప్రపంచంలోని మరే ఇతర దేశాలు ఇలాంటి పురోగతి సాధించలేదని ఆయన అన్నారు. తొలిసారి విమానంలో ప్రయాణించే వారు తమ హక్కులు, నిబంధనలు గురించి తెలుసుకోవాలి… దీని కోసమే పీబీఆర్‌ను రూపొందించనున్నామని మంత్రి జయంత్ సిన్హా పేర్కొన్నారు.
Please follow and like us:
RSS
Follow by Email
Facebook
Facebook
Google+
http://www.7gnews.in/?p=9348
YouTube
Pinterest
LinkedIn
Instagram
  Article "tagged" as:
  Categories:
view more articles

About Article Author